ԼՈՒՐԵՐ: Հրատապ խնդիրներ Հայաստանում
ՀՀ ԱՆ. ՅՈՒՆԻՍԵՖ-ը կշարունակի աջակցել
ՄԱԿ-ի մանկական հիմնադրամի (ՅՈՒՆԻՍԵՖ) տարածաշրջանային տնօրեն Մարի-Պիեր Պուարիեի հետ հանդիպման ժամանակ ՀՀ առողջապահության նախարար Արմեն Մուրադյանը նախ շնորհակալություն հայտնեց ՅՈՒՆԻՍԵՖ-ին 20 տարվա արդյունավետ համագործակցության համար։
«Համատեղ իրականացվող ռազմավարությունների ու ծրագրերի արդյունքում մի շարք ձեռքբերումներ են արձանագրվել։ 1990-ականների համեմատ զգալիորեն կրճատվել է մանկական մահացությունը, 2006թ-ին Հայաստանը ճանաչվել է որպես կերակրի աղի համընդհանուր յոդացման միջոցով յոդի անբավարարությամբ պայմանավորված հիվանդությունների կանխարգելումը ապահովող երկիր, 1995թ-ից հանրապետությունում չի արձանագրվել պոլիոմիելիտի, իսկ 2007-ից` կարմրուկի որևէ դեպք»,-ասաց նախարարը։
Նա նաև ներկայացրեց, որ Հայաստանում գրեթե 2 անգամ նվազել են մանկական և մինչև 5 տարեկան երեխաների մահացության ցուցանիշները, ինչը վկայում է մոր և մանկան առողջության պահպանման ոլորտում զգալի առաջընթացի մասին:
Արմեն Մուրադյանը բարձր գնահատեց նաև ՅՈՒՆԻՍԵՖ-ի աջակցությամբ իմունականխարգելման ոլորտում արձանագրված լուրջ հաջողությունները` պատվաստումներում ընդգրկվածության մեծ ծածկույթ, նոր և առավել արդյունավետ պատվաստանյութերի ներդրում, հիվանդացության կտրուկ նվազում:
Միաժամանակ նախարարն իր մտահոգությունը հայտնեց երկրի տնտեսական ցուցանիշների աճով պայմանավորված` առաջիկայում ԳԱՎԻ-ի աջակցությունը կասեցնելու կապակցությամբ։
«ԳԱՎԻ-ի աջակցությունը եկարաձգելու խնդիրը ես բարձրացրել եմ նաև Առողջապահության համաշխարհային կազմակերպությունում ունեցած հանդիպումների ժամանակ»,-ասաց Արմեն Մուրադյանը` փաստարկներով հիմնավորելով, որ կասեցումը կարող է վտանգել տարիների քրտանաջան աշխատանքի արդյունքում ունեցած ձեռքբերումները։
ՄԱԿ-ի մանկական հիմնադրամի տարածաշրջանային տնօրենը ևս բարձր գնահատեց անցած տարիների համատեղ աշխատանքը։
«ՅՈՒՆԻՍԵՖ-ը միշտ էլ հաճույքով է համագործակցում իր ռազմավարական գործընկեր առողջապահության նախարարության հետ։ Ուրախ եմ, որ Ձեր երկրում հատկապես վերջին 10 տարում լուրջ ձեռքբերումներ են արձանագրվել»,-ասաց Մարի-Պիեր Պուարիեն` ընդգծելով հատկապես մանկական մահացության նվազեցման ցուցանիշը։
Հանդիպման ընթացքում անդրադարձան նաև հանրային առողջապահության ոլորտում իրականացված և նախանշվող ծրագրերին։
«Երեխաների համար կյանքի լավագույն սկիզբն ապահովելու համար նրանց սնուցման հարցերն առաջնահերթություն են մեզ համար, և խնդիրը պետք է գտնվի բոլորիս ուշադրության կենտրոնում»,-ասաց նախարարը` առաջարկելով համագործակցել երեխաների սնուցման բարելավման միջսեկտորալ ռազմավարության ներդրման և համապատասխան մեխանիզմների մշակման, ինչպես նաև երկու կարևոր օրենքի՝ «Կրծքով սնուցման խրախուսման մասին» և «Ցորենի ալյուրի հարստացման մասին» ՀՀ օրենքների ընդունման և կիրարկման ուղղությամբ։
Արմեն Մուրադյանը ՅՈՒՆԻՍԵՖ-ից մեթոդական աջակցություն ակնկալեց նաև ալյուրի ֆտորացման նպատակահարմարության ուսումնասիրության համար։
Այնուհետև նախարարը ՅՈՒՆԻՍԵՖ-ի տարածաշրջանային տնօրենին ներկայացրեց առողջապահության ոլորտում վերջին շրջանում իրականացվող բարեփոխումները։
«Այսօր մեր հիմնական ուղղվածությունը բնակչությանն առողջ պահելն է։ Այդ նպատակով ուժեղացնում ենք առողջության պահպանման առաջնային օղակը` իրականացնելով իրազեկման, վաղ հայտնաբերման, տեղեկատվական դաշտի մշակման աշխատանքներ։Միաժամանակ աշխատանքներ ենք տանում էլեկտրոնային առողջապահության ներդրման ուղղությամբ»,-ասաց նախարարը։
Արմեն Մուրադյանը ներկայացված խնդիրների լուծման նպատակով կարևորեց ՅՈՒՆԻՍԵՖ-ի դերը և հետագա համգործակցությունը։
Մարի-Պիեր Պուարիեն նշեց, որ տպավորված է մինչև այժմ համագործակցության արդյունքներով և, անդրադառնալով նախարարի կողմից բարցրացրած հարցերին, նշեց, որ ՅՈՒՆԻՍԵՖ-ը կաջակցի դրանց լուծմանը։
Հանդիպման ավարտին Արմեն Մուրադյանը տեղեկացրեց, որ Հայաստանում 2014թ. 9 ամսվա ընթացքում անցյալ տարվա համեմատությամբ ավելի է ծնվել շուրջ 1.200 երեխա։ Բարի լուրն ուրախություն պատճառեց ՅՈՒՆԻՍԵՖ-ի տարածաշրջանային տնօրենին։
Հանդիպմանը մասնակցում էին ՀՀ առողջապահության նախարարի տեղակալներ Սերգեյ Խաչատրյանը և Արման Բաբլոյանը, մոր և մանկան առողջության պահպանման վարչության պետ Կարինե Սարիբեկյանը։
10.10.2014
|
|||||||||||||||||||||||||||||||||||
Կարդացեք նաև
14.05.2025
ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ
-
«Արագիլ» հիմնադրամը ստեղծված է՝ օգնելու անպտղությամբ տառապող զույգերին. Կարինե Թոխունց
-
Ժողովրդական դեղամիջոցներ
-
Հղիություն. 4-րդ ամիս
-
Հղիություն. 7-րդ ամիս
-
Կոճապղպեղ նույնն է՝ իմբիր, Ginger եւ Zingiber Officinale
-
Հղիություն. 6-րդ ամիս
-
Ամուսնական առաջին գիշերը
-
Հղիություն. 2-րդ ամիս
- 4-7 ամսական երեխաների սնուցումը
-
Խնձորը` պզուկների դեմ. ազատվիր նրանցից 1 գիշերվա ընթացքում
-
Ընկերության մասին
-
Ինչպես ազատվել անցանկալի մազերից
-
Դդում
-
Պարզվում է ապագա երեխայի սեռը կախված է մայրիկի սնունդից
-
Հիվանդություն, որը փոխում է մեր կյանքը` կրծագեղձի քաղցկեղ
-
Կոճապղպեղ՝ նիհարելու համար (կոճապղպեղի թեյ)
-
Սեռական գրգռում
-
Արգանդի միոմա. նախանշանները, պատճառներն ու բուժումը
-
Հղիություն. 1-ին ամիս
-
Չիչխանի օգտակար հատկությունները
-
Երիցուկ դեղատնային - Ромашка аптечная - Matricaria chamomilla L.
-
Քարավուզ (նույն ինքը՝ նեխուր)
-
Հեշտոցային արտադրության պատճառները. մասնագետի անդրադարձը
-
Ինչպես ազատվել բերանի վատ հոտից`պարզ միջոց
-
Կրծքի ցավե՞ր ունեք. ինչ անել
-
Դիմակներ` մազերի համար
-
Ընդհանուր տեղեկություններ մարմնի համակարգերի մասին
- Բերանի խոռոչի լորձաթաղանթի ախտահարումը սովորական բշտախտի ժամանակ (սկիզբը` նախորդ համարում)
- Խոսենք այդ մասին. ձեռնաշարժություն
-
Հիվանդություն, որի համար պետք չէ ամաչել (թութք)
-
Ընտրություն ըստ հորոսկոպի
-
Հղիությունը և նախապատրաստվելը դրան
-
Հղիություն. 9-րդ ամիս
-
Երբ գլխացավն ախտանիշ է: Հանճարեղ և օժտված մարդկանց հիվանդություն
- Շաքարային դիաբետի բուժման ժամանակակից մոտեցումները
-
Լեղաքարային հիվանդություն. բուժման մեթոդները
-
Սեռական թուլության առաջին նախանշանները. news.am
-
Հղիություն. 8-րդ ամիս
-
Ուլտրաձայնային դոպլերոգրաֆիա (երկակի (դուպլեքս) անոթների)
- Ցերվիցիտի (էնդոցերվիցիտի) կլնիկաձևաբանական բնութագիրը (գրական ակնարկ)















Գիտական բժշկություն
Հիվանդություններ
Ավանդական բժշկություն
Առողջ ապրելակերպ
Կոսմետոլոգիա
Բժշկական իրավունք
Ալգորիթմեր, թեստեր
Թվեր, փաստեր, դեպքեր
Պատմական խրոնիկա
Աֆորիզմներ
Կարիերային սանդուղքով
Երեխա
Կին
Տղամարդ
Ռեյթինգային համակարգ







